Лідар беларускага гурта Leibonik Сяргей Башлыкевіч лічыць, што ягоны галоўны слухач – ён сам. Таму ўсе песні гэткія шчырыя ды кранальныя. Бо чапляюць тых людзей, з якімі сам Сяргей духоўна блізкі: інтэлектуалаў з добрым пачуццём гумару. Родам ён з Ашмянаў, у 2014-м атрымаў прэмію “Герой года” ў намінацыі “Адкрыццё года” паводле версіі парталу Tuzin.fm. Асноўная праца – інжынер-праграміст, да гэтага паспеў павыкладаць у Беларускім дзяржаўным універсітэце інфарматыкі і радыёэлектронікі. У жніўні 2020 года, як і шмат хто з артыстаў, не змог заставацца ўбаку ды актыўна браў удзел у дваравых канцэртах. Сыграў
сольную праграму “Дзе той адказ?” для праекту “Артысты перамогі”.